Саңырауқұлақтар – төменгі сатыдағы өсімдіктердің ішіндегі ең көп тарағаны, олардың 100000-дай түрі кездеседі. Басқа өсімдіктер типтерінен басты айырмашылықтары пластидтері, хлорофилі болмайды. Бұлар дайын органикалық заттармен қоректенуге бейімделген гетеретрофты өсімдіктер.
Саңырауқұлақ теру үшін «Мемлекеттік қызмет алу» нысаны бойынша өтінішпен және мемлекеттік қызметті көрсетуге қоятын негізігі талаптардың тізбесі бойынша құжаттармен қоса «Электрондық үкіметтің» www.elicense.kz веб-порталы арқылы немесе баламалы қағаз түрінде жүгінеді. Мемлекеттік қызмет 1 күн ішінде көрсетіледі. Аталған қызмет түрін Жамбыл облысы әкімдігінің табиғи ресурстар және табиғат пайдалануды реттеу басқарамасына қарасты орман шаруашылығы мемлекеттік мекемелерінен алынады. Сонымен қатар «Облыстың мемлекеттік орман қоры учаскелерінде ормандарды пайдаланудың кейбір түрлері үшін төлемақы ставкаларын бекіту туралы» Жамбыл облыстық мәслихатының 2018 жылғы 29 маусымдағы № 24-9 шешіміне сәйкес саңырауқұлақтың 1 кг 107 теңгені құрайды. Егер саңырауқұлақ өсімдігін теретін болсаңыз төменде көрсетілген іс-әрекеттерге байланысты жүгінуге болады. Олар:
- Орман шаруашылығы мемлекеттік мекемелеріне қарасты мемлекеттік орман қоры учаскесінен саңырауқұлақ өсімдігін теретін болсаңыз, өтініш жазу керек;
- Өзіңіз теретін саңырауқұлақ өсімдігінің килограммына байланысты төлем ақы соммасын жасайсыз;
- Төленген соммаңыздың түбіртек көшірмесін тапсырып, сол арқылы қатаң есептегі орман билеті бланкісі беріледі.
Сонымен қатар мемлекеттік орман қоры учаскелерінде саңырауқұлақ өсімдігін заңсыз терген жағдайда Қазақстан Республикасы Әкімшілік құқық бұзушылық Кодексінің 370 бабының 3 тармағына сай ескерту немесе 3 АЕК әкімшілік айыппұл салынатынын ескертеді..
Н.Нұрғали, Жамбыл облыстық орман шаруашылығы және жануарлар дүниесі аумақтық инспекциясының Орман және ЕҚТА бөлімінің бас маманы
