Жамбылдық ҚАЖ қызметкерлері Наурызнама тұжырымдамасы аясында Ұлттық киім күнін атап өтті. Бұл күні өңірлік ҚАЖ департаментіне бағынысты №26 түзеу мекемесінің арулары ұлттық нақыштағы көйлектер, камзолдар мен ою-өрнектері бар жеңіл көйлектер мен сырмақтар киіп, өз ортасын думанға бөледі. Осылайша, олар киген киімдерінің сәніне ғана емес, функциялық мәніне де ерекше мән беріп, әрі жас ерекшеліктері мен әлеуметтік статусына қарай образдар бейнеледі. Айта кету керек, сан ғасырлар бойы қазақтың ұлттық киімі қарапайымдылығымен және ұтымдылығымен ерекшеленеді. Ұлттық киім үлгісінде пайдаланылатын былғары, жүн, киіз, мата сияқты табиғи материалдар, асыл тастар мен металдар адамға жылулық пен жайлылық сыйлаумен қатар, киім иесінің атақ-дәрежесін, байлығын көрсететіні де рас. Сол арқылы ұлттық киім күні киім үлгісі арқылы әр адамға өз даралығын білдіруге, сонымен қатар еліміздің бірлігі мен мәдени әралуандығын танытуға мүмкіндік беріп отыр.
