Жуырда облыс бойынша Қылмыстық-атқару жүйесі департаментіне бағынысты қауіпсіздігі барынша төмен №26 мекемесінен жаза мерзімінің аяқталуына байланысты маңғыстаулық азамат бостандыққа шықты.
40 жастағы жазасын өтеушіні Тараз темір жол вокзалынан шығарып салу барысында ҚАЖ қызметкерлері оған еркін өмірдегі құқықтары мен міндеттерін мұқият түсіндіріп, қайта қылмысқа бармауын қатаң ескертті. Атап өтерлігі, бұл күні сотталған азаматтың жол шығыны толықтай қамтамасыз етілді.
Айта кетейік, А есімді ер адам 2022 жылы Маңғыстау облысы Түпқараған аудандық сотының үкімі негізінде Қылмыстық Кодекстің 188-бабы 3-бөлігі 3-тармағымен кінәлі деп танылған.
