Мен өмірімнің саналы бөлігін ішкі істер органдарындағы қызметке, елдегі заңдылық пен құқықтық тәртіпті қорғауға арнаған полиция ардагерімін. Көпжылдық қызмет тәжірибемде мемлекеттің қауіпсіздігі мен тұрақтылығы тек заң орындарының жұмысына ғана емес, бірінші кезекте халықтың мемлекеттік істерге деген жауапкершілігі мен қоғамдық белсенділігіне тікелей байланысты екеніне көзім жетті. Құқықтық тәртіп пен азаматтық белсенділік тоғысқан жерде ғана қуатты мемлекет қалыптасады. Сайлауға қатысып, таңдау жасау бұл жай ғана құқық емес, бұл – үлкен азаматтық жауапкершілік. Әскери тәртіпке бағынған жан ретінде айтарым, өз елінің тағдырына, заңдардың сапасына бейжай қарамайтын қоғам ғана қауіпсіз әрі берекелі ортада өмір сүре алады.
Тәртіп бар жерде ғана жүйелі даму, экономикалық тұрақтылық және әлеуметтік теңгерім мүмкін болады. Әскери тәртіпке бағынған жан ретінде айтарым, өз елінің тағдырына, заңдардың сапасына бейжай қарамайтын қоғам ғана қауіпсіз әрі берекелі ортада өмір сүре алады. Өйткені тәртіп пен қауіпсіздіккез келген мемлекеттің, әрбір шаңырақтың берік тірегі. Егер заңдарымыз әділ әрі сапалы болса, ел ішінде тыныштық орнайды, ал халық ертеңгі күніне сеніммен қарайды. Дәл осы себепті, алдағы Құрылтай сайлауының маңызы өте зор. Бұл жай ғана саяси шара емес, бұл алдағы бес жыл бойы бүкіл ел бағынатын заңдардың қандай болатынын айқындайтын сәт.
Ең бастысы, мемлекеттегі тәртіп пен қабылданатын заңдардың сапасы әрбір шаңырақтың берекесіне, отбасымыздың тыныштығына тікелей әсер етеді. Бүгінгі құқықтық жүйенің мықты болуы — балаларымыздың ертеңгі қауіпсіз қоғамда өсіп-жетілуінің, олардың жарқын болашағының берік кепілі. Қорыта айтқанда, Құрылтай сайлауы — елімізде заң үстемдігі мен ішкі тұрақтылықты нығайтып, өскелең ұрпақ үшін қауіпсіз әрі бақытты мемлекет құрудың басты негізі
Сәпілмәлік Тәжиев, ҚР ІІМ ардагері, Жамбыл облысының Құрметті азаматы
