Шалғай ауылдарда дәріхана пункттері ашылатыны туралы ҚР Денсаулық сақтау министрлігі хабарлап отыр. Бұл туралы Жамбыл облыстық денсаулық сақтау басқармасының басшысы Әсет Қалиев: «Халық денсаулығы және денсаулық сақтау жүйесі туралы» ҚР Кодексіне Денсаулық сақтау инфрақұрылымын жақсарту және шалғайдағы ауылдық елді мекендерде және ауылдық денсаулық сақтау объектілерінде дәрі-дәрмектерге қолжетімділік деңгейін арттыру бойынша өзгерістер мен толықтырулар енгізуді ұсынды.
Мемлекет басшысы мүгедек азаматтардың өмір сүру сапасын жақсарту үшін қосымша шаралар қабылдауды көздейтін заңға қол қойды, онда кодекске енгізілген өзгерістер ескерілген.
Министрлікпен кодекске өзгерістер мен толықтырулар жобасын әзірлеу кезінде препараттарды сатып алу үшін аудан орталықтарына жүгінуге мәжбүр ауыл тұрғындарының қажеттіліктері ескерілді.
Бұл қандай нәтижелерге әкеледі?
Кодекске енгізілген өзгерістер ауыл тұрғындарының дәрі-дәрмекпен қамтамасыз етуге қолжетімділігін арттырады және оларды сатып алу үшін ірі елді мекендерге бару қажеттігіне байланысты шығындарды азайтады.
Дәріханалар жоқ ауылдық елді мекендердегі дәрілік заттар мен медициналық бұйымдар медициналық-санитариялық алғашқы, консультациялық-диагностикалық көмек көрсететін денсаулық сақтау ұйымдарындағы дәріхана пункттері немесе жылжымалы дәріхана пункттері арқылы өткізілетін болады.
Денсаулық сақтау министрлігі, жергілікті атқарушы органдар және басқа да мүдделі мемлекеттік органдар дәрілік саясатты жетілдіру бойынша одан әрі шаралар қабылдайтын болады.
Айта кетері, статистикалық деректерге сәйкес қазіргі уақытта Қазақстан халқының шамамен 40 пайызы ауылдық жерлерде тұрады, бұл ретте әрбір үшінші елді мекенде дәріханалар жоқ» дейді.
Айта кетейік, Жамбыл облысының да көптеген ауылдарында, әсіресе шалғайда орналасқан елді мекендерде дәріханалар жоқ. Алдағы уақытта осы бастаманың арқасында ауыл халқы да дәріханаларға қол жеткізетін болады.
