Таразда жазасын өтеушілер арасында қайта қылмыс жасалуына жол бермеу және сотты болғандардың санасына оң өзгерістер енгізу мақсатында өңірлік қылмыстық-атқару жүйесі департаментіне бағынысты №26 түзеу мекемесінде «Хабар» Агенттігі мен ҚАЖК–ҰҚҚКД» АҚ-ның «Сотталғандар татуировканы не үшін алып тастайды?» атты арнайы репортажы көрсетілді.
Жасақ бастығы, әділет капитаны Руслан Балықбаевтың сөзінше, мұндай тәрбиелік маңызы зор іс-шаралар жазасын өтеушілердің түзелу жолына түсуіне ықпал ететін маңызды құралдардың бірі. Бұл күні ең әуелі сотталған азаматтардың өзі үшін де, оған қоғамның (оның ішінде туыстары мен жақындарының) қарым-қатынасы үшін де жағымсыз жайттарға назар аударылды. Ал көрсетілімнен соң жазасын өтеушілердің еркін өмірде әлеуметтік бейімделу жолындағы жағымсыз жайттардан бойын аулақ ұстауы қажеттігі түсіндірілді.
