Ағымдағы жылдың 23 қазанында Тараз қаласының аумағында облыстық терроризмге қарсы күрес жөніндегі жедел штабымен «Тараз-Антитеррор-2025» оқу-жаттығуы өтуде. Аталған іс-шараның мақсаты – құқық қорғау және арнайы органдардың күштері мен құралдарының террористік сипаттағы түрлі қауіп-қатерлердің жолын кесу бойынша дайындық деңгейлерін тексеру. Осыған байланысты қала тұрғындары мен қонақтары жүргізіліп жатқан оқу-жаттығуларына, автокөлік пен жаяу жүргіншілер қозғалысына қойылатын уақытша шектеулерге түсіністікпен қарап, қауіпсіздік шараларын сақтауға және мемлекеттік органдар қызметкерлерінің заңды талаптарын орындауға шақырамыз.
Қосымша ретінде, оқу-жаттығу барысында шартты түрде террористік қауіп туындаған жағдайларда әрекет ету сценарийлері пысықталуда. Арнайы қызмет өкілдері азаматтардың қауіпсіздігін қамтамасыз етуге бағытталған тәжірибелік іс-қимылдарды орындайды. Мұндай шаралар өңірдегі тұрақтылық пен қоғамдық тәртіпті сақтау, тұрғындар арасында қауіпсіздік мәдениетін арттыру мақсатында өткізіледі.
Жамбыл облыстық терроризмге қарсы күрес жөніндегі жедел штабы
